भद्रपुर, झापा – प्रदेश सरकारअन्तर्गत स्वास्थ्य मन्त्रालयको निर्देशनमा स्वास्थ्य कार्यालय झापा तथा कोशी प्रदेश सरकारको समन्वयमा सञ्चालित राष्ट्रिय भिटामिन ‘ए’ कार्यक्रमअन्तर्गत भद्रपुर नगरपालिकाले २०८२ साल वैशाख महिनामा नगरभित्रका विभिन्न स्थानहरूमा भिटामिन ‘ए’ क्याप्सुल र जुकाको औषधि (Albendazole) वितरण गर्ने भएको छ।
उक्त कार्यक्रमअन्तर्गत ६ देखि ५९ महिनासम्मका बालबालिकालाई भिटामिन ‘ए’ क्याप्सुल र १२ देखि ५९ महिनासम्मका बालबालिकालाई जुकाको औषधि खुवाइने छ। नगरपालिकाले आम नागरिकलाई आफ्ना बालबालिकालाई तोकिएको मिति र स्थानमा अनिवार्य रूपमा सहभागी गराई औषधि खुवाउन अनुरोध गरेको छ।
खोप कार्यक्रम अन्तर्गत विभिन्न वडामा खोप सेवा प्रदान गरिँदैछ। वडा नं. १ मा पृथ्वीनगर स्वास्थ्य चौकीमा हाल सोमबार बिहान १०:३० बजेदेखि दिउँसो ४:०० बजेसम्म खोप सेवा सञ्चालन हुँदैछ। वडा नं. ३ मा महेशपुर स्वास्थ्य चौकी (धिमालधुरा) मा पनि बिहान १०:३० देखि दिउँसो ४:०० बजेसम्म सेवा दिइँदैछ। त्यस्तै, वडा नं. ८ मा प्रादेशिक अस्पताल, भद्रपुरस्थित एम.सी.एच. क्लिनिकमा बिहान १०:३० देखि दिउँसो ४:०० बजेसम्म खोप सेवा सञ्चालन भइरहेको छ। वडा नं. ९ मा चन्द्रगढी स्वास्थ्य चौकी (पहातुवारी) मा पनि बिहान १०:३० देखि दिउँसो ४:०० बजेसम्म खोप सेवा प्रदान गरिँदैछ।
नगरपालिकाले अभिभावकहरूलाई तोकिएको मिति र समयमा नजिकको खोप केन्द्रमा उपस्थित भई आफ्ना बालबालिकालाई औषधि खुवाउन विशेष आग्रह गरेको छ।
