भद्रपुर, झापा — भद्रपुर (हिमाली), झापामा शुक्रबार साँझ आयोजित ‘मन्त्र ब्यान्ड कन्सर्ट’ ले सम्पूर्ण शहरलाई संगीत र चेतनाको लहरले भरिपूर्ण बनायो।
भिष्म युवा परिवारको आयोजनामा सम्पन्न यस भव्य कार्यक्रममा युवामाझ “Say No To Drugs” भन्ने सशक्त सन्देश फैलाइएको थियो।
लोकप्रिय मन्त्र ब्यान्ड का कलाकारहरूले प्रस्तुत गरेका गीत–सङ्गीत र ऊर्जाशील तालले उपस्थित दर्शकहरूलाई मन्त्रमुग्ध बनायो। युवाहरू नाचे, गाए र संगीतको माध्यमबाट सकारात्मक सोच फैलाउने अभियानमा सहभागी बने।
कार्यक्रमका मुख्य अतिथि भद्रपुर नगरपालिकाका मेयर गणेश पोखरेल र विशिष्ट अतिथि समाजसेवी तथा बुद्धिजीवी शिवकुमार राजभण्डारी ले संयुक्त रूपमा स्वागत मन्तव्य दिँदै युवाहरूलाई लागूऔषधको दुरुपयोगबाट टाढा रहि जिम्मेवार नागरिक बन्न आग्रह गर्नुभयो। उहाँहरूले युवा पुस्ता राष्ट्रको भविष्य भएको उल्लेख गर्दै संगीतले समाजमा सकारात्मक परिवर्तन ल्याउन सक्ने विश्वास व्यक्त गर्नुभयो।
त्यसैगरी युवा व्यवसायी राजकुमार राई, समाजसेवी नारायण लुइटेल, र भद्रपुर–१ का वडा अध्यक्ष राम अधिकारी सहितका अन्य सम्माननीय अतिथिहरूले पनि कार्यक्रमको महत्त्वपूर्ण उपस्थिति जनाए।
कार्यक्रममा ओम साई पाथीभरा अस्पताल ले मुख्य प्रायोजक (टाइटल स्पोन्सर) का रूपमा साथ दिएको थियो, जसका प्रतिनिधि दीप पौडेल पनि कार्यक्रममा उपस्थित रहनुभयो।
कार्यक्रमको अध्यक्षता (सभापति) भिष्म युवा परिवारका अध्यक्ष समीर लिम्बू ले गर्नुभयो।
स्थानीय स्तरका सहयोगी संस्था र व्यवसायिक घरानाहरू — कार्किज केक, ग्रिनफिल्ड इङ्गलिस स्कूल, होलील्याण्ड इङ्गलिस स्कूल, ज्ञान सरोवर निकेतन स्कूल, र सेमाङ्ली रेष्टुरेन्ट एण्ड क्याफे — ले पनि कार्यक्रमको सफलतामा महत्त्वपूर्ण योगदान पुर्याए।
कार्यक्रमका विशेष सहयोगी ममता राई र शिवकुमार राजभण्डारी प्रती आयोजक समितिले हार्दिक आभार व्यक्त गरेको छ।
संगीत र सामाजिक सन्देशको अद्भुत संगम बनेको यो कन्सर्टले भद्रपुरमा नयाँ चेतना र आशाको भावना जगाएको छ। युवाहरूको स्वरमा अब गुञ्जिन थालेको छ — “Say No To Drugs!”
